top of page
  • 作家相片Seesaw

創新的孩子


勇於嘗試、好奇心強、愛創新嘅性格,係好多成功人士都有既寶貴特質,呢類型既人可以開啟好多未知既門,為世界帶來重要轉變。當成長環境鼓勵探索同思考,嘗試就會變成一種生氣勃勃、興奮嘅體驗,可以培育倒孩子既創新動力。


當然,呢種小朋友一般都唔太聽話,都愛發問、愛駁嘴、甚至都唔太合群,可能係家長、老師都非常頭痛嘅類型!因為大人都明白喺社會生存需要遵循某啲規則,所以都想孩子學習守規矩,但同時亦令到孩子嘅創新特質難以發展。



咁應該點做好?


或者,當我哋想否定孩子嘅一啲舉動前,留意一下孩子真係做成左困擾,定係我哋太怕惹人討厭,所以率先阻止左孩子嘅一啲探索?


又或者,你太想保護孩子,怕佢哋受到傷害或者經歷挫敗,在無意之間阻止左佢哋去嘗試?



父母需要為孩子設立一條清晰既界線,有幾多空間俾佢地去嘗試,喺咩事情上面可以發揮創意、咩事情上必須遵守規則。



培育孩子的確需要父母好多反思,例如:你希望孩子成為你意想不到咁出色既人,定係你理想中嘅某種人?你會支持孩子去探索你無想像過嘅可能性嗎?


或者你仲記得細個嗰陣,觀察大自然發現未知嘅嗰份奇妙同感動嗎?有時隨心創作既一啲奇奇怪怪、未必有特別意義嘅小玩意,感受到嘅趣味同興奮嗎?若果孩子能夠保留呢份好奇同創新嘅心,又懂得靈活適應社會既規矩,懷抱住自信和勇敢,佢就有可能喺自己既人生中開拓出屬於自己既一片天空。



1 次查看0 則留言

Comments


bottom of page