一位孩子話：
「我完成「唔」倒，因為時間「唔」夠⋯
因為覺得自己既諗法「唔」夠好，想用其他想法做⋯
本來想要大啲，好大既，但又怕做「唔」到，
而家佢太細喇⋯我「唔」滿意，要繼續做⋯
我覺得疲憊同失望⋯」
另一位孩子話：
「我做完左，將自己既諗法做左出黎，我覺得好滿足！」
如果將「唔可以」改為「咁樣做好啲」 當父母了解左孩子既有咩需要後，再建議能夠乎合雙方需求既做法，會比起強行要求孩子停止某些行為更有效。
如果將「做唔倒」改為「我覺得你嘗試左好多」 讓孩子知道你見倒佢地付出左既努力，係一份無形既支持！你仲可以提點下佢地有邊啲嘗試做得好，值得繼續做，咁樣可以鼓勵倒佢地繼續去嘗試。
如果將「唔夠好」改為「做左呢啲嗰啲好好！睇吓再做啲咩會令效果更好？」 前者會讓孩子誤以為父母否定自己既能力，令佢地感覺無力；後者係針對事，肯定佢做得好既部份再引導佢地思考點樣可以再好啲，讓孩子知道進步既方向，有進步既動力。 其實小朋友需要被肯定好多次，先會令佢地明白：
「原來我既諗法有好既地方，我有做得好既地方！嗯，我可以相信自己！」 當然，唔同人有唔同既說話風格，所以都要父母多番反思、慢慢摸索架～！不妨留意下我哋嘅親子表達藝術治療活動，喺活動裏面放鬆探索下適合自己嘅善意溝通嘅方式啦～！
延伸閱讀：